АСТАНА. 6-шілде. Kazakhstan Today. Кедендік одақтың құқықтық базасын қалыптастыратын құжаттардың топтамасын ЕурАзЭҚ мемлекет басшылары 2007-жылғы қазан айында өтетін саммитте қарайды деп күтілуде. Бұл туралы бүгін Беларусь, Қазақстан және Ресей Федерациясының Интеграциялық комитеті мүшелерінің Кедендік одақтың құқықтық базасын қалыптастыру жөніндегі кеңесі барысында журналистерге сұхбат берген ҚР Индустрия және сауда министрі Ғалым Оразбақов мәлім етті, деп хабарлайды Kazakhstan Today тілшісі.
"Қазан айының басында ЕурАзЭҚ мемлекет басшыларының саммитін өткізу межеленген. Аталған құжаттардың бәрін біз осы саммитте қол қоюға беру үшін дайындап жатырмыз", - деді Ғ. Оразбақов.
Оның айтуынша, аталмыш құжаттарды келісу үшін қажетті мемлекетішілік шаралар "шамамен бір уақытта өткізіледі, ешкім де алға суырылып озбайды, өйткені, бұл құжаттанға қатысты кейбір техникалық және принциптік ескертулер бар".
ҚР Индустрия және сауда министрінің хабарлауынша, 6-тамызда сарапшылар деңгейіндегі тағы бір кездесу өтеді, " оның барысында нақты құжаттар бойынша үш жақтың барлық қалған ескертпелері пысықталады". "Бұдан кейін қыркүйектің басында Ресей мен Беларусь вице-премьерлері, ҚР Индустрия және сауда министрі мен ЕурАзЭҚ бас хатшысы Мәскеуде немесе Минскіде бас қосып, Кедендік одақтың құқықтық базасын қалыптастыратын құжаттардың ақырғы рет пысықтап, қазан айында ЕурАзЭҚ мемлекет басшыларының саммитіне шығаруға дайындайды", - деді ол.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Кедендік одақтың құқықтық базасын қалыптастыратын құжаттардың топтамасын ЕурАзЭҚ мемлекет басшылары 2007-жылғы қазан айында өтетін саммитте қарайды деп күтілуде - ҚР Индустрия және сауда министрі
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.