АСТАНА. 18 -шілде. Kazakhstan Today. Орталық сайлау комиссиясы Қазақстанда өтетін кезектен тыс мәжіліс сайлауына халықаралық байқаушылық жасайтын тағы да 148 байқаушыны аккредитациялады, деп хабарлайды Kazakhstan Today тілшісі.
"Қазақстан Республикасындағы кезектен тыс мәжіліс сайлауын бақылауға ТМД миссиясынан тағы да 116 байқаушыны және шетелдік бес мемлекеттен 32 байқаушыны тіркеуді ұсынуда",- деді ОСК отырысында бүгін комиссия мүшесі Татьяна Охлопкова.
Оның айтуынш, сайлауға байқаушылық жасауға Украина (13 адам), Чехия Республикасы (6 адам), Словакия Республикасы (4), Ұлыбритания, Үндістан, Изербайжан, Литва өкілдері ниет білдіріп отыр.
Бұл қаулыны ОСК мүшелері толық қолдады.
Бұдан бұрын да хабарлағанымыздай, Орталық сайлау комиссиясы бүгінге дейін ЕҚЫҰ Демократиялық институттар және адам құқығы жөніндегі бюросының миссиясынан 57, ТМД миссиясынан 8 байқаушыны аккредитациялаған болатын.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Кезектен тыс мәжіліс сайлауына тағы да 148 халықаралық байқаушы тіркелді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.