ҚХР төрағасының арнайы елшісі Қазақстанға жұмыс сапарымен келеді
Бейсенбі күні ҚХР төрағасы Ху Цзиньтаоның арнайы елшісі ретінде Халық өкілдері Бүкілқытайлық жиналысы Тұрақты Комитетінің төрағасы Чэнь Чжили Орта Азия мемлекеттеріне жұмыс сапарын жасайды.
Бейжің. 5-қаңтар. Kazakhstan Today - ҚХР төрағасының арнайы елшісі Қазақстанға жұмыс сапарымен келеді, деп хабарлайды Kazakhstan Today агенттігінің тілшісі.
ҚазАқпарат агенттігінің хабарлауынша, бейсенбі күні ҚХР төрағасы Ху Цзиньтаоның арнайы елшісі ретінде Халық өкілдері Бүкілқытайлық жиналысы Тұрақты Комитетінің төрағасы Чэнь Чжили Орта Азия мемлекеттеріне жұмыс сапарын жасайды.
ҚХР СІМ-нің берген мәліметіне сәйкес, 5 Орта Азия мемлекеттерінің шақырулары бойынша ҚХР төрағасы Ху Цзиньтаоның арнайы елшісі ретінде ХӨ БЖТК төрағасының орынбасары Чэнь Чжили 2012 жылы қаңтардың 5-і мен 14-і аралығында Өзбекстанға, Қазақстанға, Қырғызстанға, Тәжікстан мен Түркіменстанға жұмыс сапарымен келеді. Сонымен қатар ол Қытай және 5 Орта Азия мемлекеттері арасында орнатылған дипломатиялық қарым-қатынастарға 20 жыл толуына орай ұйымдастырылып отырған шараларға қатысады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.