БІШКЕК. 4-тамыз. Kazakhstan Today. Қырғызстан президенті Құрманбек Бакиев Қазақстан мен Өзбекстан арасындағы шекаралардың түйіліскен нүктесі туралы келісімді бекіту туралы заңа қол қойды, деп хабарлайды Kazakhstan Today тілшісі мемлекет басшысының баспасөз қызметіне сілтеме жасап.
Бұл келісімге үш мемлекет басшысы 2001-жылдың 15-маусымында Шанхайда қол қойған. Қырғызстан парламенті бұл құжатты осы жылдың маусым айында бекітті.
Бұдан бұрын да хабарлағанымыздай, Түйіліс нүктесі Қазақ, Қырғыз және Өзбек ССР-і арасындағы әкімшілік-аумақтық шекара сызығы және оны реттейтін құқықтық құжаттар мен өзара келісілген картографиялық материалдар негізінде белгіленді. Түйіліс нүктесін ҚР үкіметінің қаулысымен 1999-жылдың 1-қыркүйегінде құрылған мемлекеттік шекара сызығын белгілеу жөніндегі үкіметтік комиссия айқындаған.
ҚР СІМ-нің мәліметіне сәйкес, Қазақстан, Қырғызстан және Өзбекстан арасындағы мемлекеттік шекаралардың түйіліс нүктесі Талас Алатауы жотасының Майдантал жотасымен түйісетін жеріндегі триангуляция тәсілімен анықталған 4131.1-ші белгі қойылған Чатангат нүктесі болып табылады.
Қазақстан бұл келісімді 2003-жылдың шілде айында бекітті.
Қырғызстан Қазақстан мен Өзбекстан арасындағы шекаралардың түйіліскен нүктесі туралы келісімді бекітті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.