БІШКЕК. 3-мамыр. Kazakhstan Today. Қырғызстан президенті Құрманбек Бакиев Қазақстан Республикасымен арадағы қарым-қатынастарды реттейтін бірқатар халықаралық келісімдерді бекіту туралы заңдарға қол қойды, деп хабарлайды Kazakhstan Today тілшісі осы ел президентінің баспасөз қызметіне сілтеме жасап.
Баспасөз қызметінің хабарлауынша, Қ.Бакиев "Қырғызстан Республикасының үкіметі мен Қазақстан Республикасының үкіметі арасындағы білім беру саласындағы ынтымақтастық туралы 2006-жылдың 4-шілдесінде Астанада қол қойылған келісімді бекіту туралы" заңға қол қойды.
Сонымен бірге мемлекет басшысы "Қазақстан Республикасының аумағында уақытша жұмыс істеп жүрген Қырғызстанның еңбеккер-мигранттарының, Қырғызстан Республикасының аумағында уақытша жұмыс істеп жүрген Қазақстанның еңбеккер-мигранттарының еңбегі мен құқықтарын қорғау туралы Қырғызстан Республикасының үкіметі мен Қазақстан Республикасының үкіметі арасындағы 2006-жылдың 4-шілдесінде Астанада қол қойылған келісімді бекіту туралы" заңға қол қойды.
Сонымен бірге Қырғызстанда Қазақстанға қажетті құжаттарды бекіту мерзімі кешеуілдеп келеді. Жуырда Бішкекке жасаған ресми сапары барысында Қазақстан президенті Нұрсұлтан Назарбаев Қырғызстан парламентінің Ыстықкөлдің жағалауындағы 4 пансионатты Қазақстанның меншігіне беру туралы және республикалар арасындағы шекараны делимитациялау туралы келісімдерді бекітуге асықпай отырғанын атап көрсеткен.
"Біз Қазақстаннан Ыстықкөлге дейін қысқа жол салғымыз келеді. Бірақ біздің Ыстыкөлдегі меншігімізге қатысты мәселе күні бүгінге дейін шешілмей отыр. Парламент бүгінге дейін бұл келісімді бекіткен жоқ",- деді Н.Назарбаев қорытынды баспасөз мәслихатында. "Екі ел арасындағы шекара күні бүгінге дейін келісіммен бекітілген жоқ",- деді Қазақстан мемлекет басшысы.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қырғызстан Қазақстанмен арадағы бірқатар келісімдерді бекітті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.