Қырғызстан мемлекеттік табыстың 1 %-н мемлекеттік тілді қолдауға жұмсамақ
Қырғызстан мемлекеттік табыстың 1 %-н мемлекеттік тілді қолдауға жұмсамақ
Бішкек. 22-қаңтар. "Қазақстан Бүгін" - Қырғызстан мемлекеттік табыстың 1 %-н мемлекетік тілді қолдауға жұмсамақ, деп хабарлайды "Қазақстан Бүгін" агенттігінің тілшісі Қырғызстанның Экономикалық даму және сауда министрлігінің баспасөз қызметіне сілтеме жасай отырып.
"2008 жылға арналған үкіметтің іс-әрекеттерінің жоспарына осындай пункт енгізу бастамасын көтерген экономикалық даму және сауда министрі Ақылбек Жапаров", - деп хабарлады баспасөз қызметі.
А. Жапаровтың пайымдауынша, мемлекет ресми тілді қолдаумен балалар мен көптеген жастар орыс тілін еш білмейтін аймақтарда айналысу қажет. Ал Бішкекте мемлекеттік тіл мәселесімен шындап айналысып, оған іс қағаздарын көшірген дұрыс.
"Біз қырғыз тілін қолдау туралы 15 жыл бойы айтып келе жатырмыз. Бірақ осы күнге дейін бұл бағытта еш нәрсе тындырмадық", - деп мәлімдеді А. Жапаров. Ол сондай-ақ, тағы бір пайызды Қырғызстанда басымдыққа ие сала ретінде жарияланған туризмді дамыту ісіне бөлуді ұсынды.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.