Қырғызстан өзіне тиімді болған жағдайда ғана Қазақстан, Ресей мен Беларусь Республикаларының Кедендік одағына мүшелікке өтеді - қырғыз үкімет басшысы
Қырғызстан өзіне тиімді болған жағдайда ғана Қазақстан, Ресей мен Беларусь Республикаларының Кедендік одағына мүшелікке өтеді - қырғыз үкімет басшысы
Бішкек. 25 ақпан. Kazakhstan Today - Қырғызстан өзіне тиімді болған жағдайда ғана Қазақстан, Ресей мен Беларусь Республикаларының Кедендік одағына мүшелікке өтеді. Бұл туралы кеше Қырғызстан үкімет басшысы Данияр Үсенов баспасөз мәслихатында мәлімдеді, деп хабарлайды Kazakhstan Today.
Үкімет басшысының айтуынша, Дүниежүзілік сауда ұйымына мүше ел ретінде Қырғызстан қандайбір өңірлік бірлестікке қатысу құқығына ие. "Бүгінгі күні біздің кедендік тарифтеріміз одақ аясында белгіленген 12 мың позициядан 2,5 мыңы бойынша сәйкеседі. Ал қалғандары Кедендік одаққа қатысушы елдерде жоғары. Қырғыз мамандары одаққа мүшелікке өтудің қаншалықты тиімді екендігін есептеп көреді, егер бізге тиімді болып жатса, біз оған өтеміз, ал егер тиімсіз болса- онда өтпейміз", - деді ол.
Қырғызстан үкімет басшысы Кедендік одақ елдері Дүниежүзілік сауда ұйымына мүшелікке өту үшін үлкен жұмыс атқарығанын атап өтті, ал Қырғызстан бұл ұйымға мүше, деді ол.
"Біз сыртқы саудада көпвекторлы саясат ұстанамыз. Басты постулат - біз өз еліміздің ұлттық мүддесін ескеруге тиіспіз", - деді Д. Үсенов.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.