БІШКЕК. 30-наурыз. Kazakhstan Today. Қырғызстан парламенті - Жогорку кенеш үкімет басшысы лауазымына Алмазбек Атамбаевтың кандидатурасын бекітті, деп хабарлайды Kazakhstan Today тілшісі.
А.Атамбаев үшін 54 депутаттың 48-і дауыс берді. Үкімет басшысы лауазымына бекітілу үшін А.Атамбаевқа 38 депутаттың дауысын жинау қажет болатын. Үкімет басшысының кандидатурасын бекіту құпия дауыс беру арқылы жүргізілді.
Алмаз Атамбаев Қырғызстан Республикасының Чуй облысының Аламединский ауданының Арашан ауылында дүниеге келген. 1980 жылы Ресей басқару Академиясын бітірген. 2005 жылдың наурызындағы революцияға дейін "Форум" Өнеркәсіптік топтың директорлар кеңесінің төрағасы қызметін атқарған. Республикадағы биліктің ауысуынан кейін Қырғызстан Республикасының экономикалық даму, өнеркәсіп және сауда министрі болып тағайындалған, бірақ реформаның алға басуымен күресу үшін өз еркімен отставкаға кеткен.
Алмаз Атамбаев "Реформалар үшін" оппозициялық қозғалысы басшыларының бірі болған. Ол өткен аптада бірлестіктің тең төрағаларының құрамынан шықты.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қырғызстан парламенті үкімет басшысы лауазымына Атамбаевтың кандидатурасын бекітті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.