Қырғызстан президенті үкіметті отставкаға жіберді
Қырғызстан президенті үкіметті отставкаға жіберді.
Бішкек. 24 қазан. "Қазақстан Бүгін" - Қырғызстан президенті Құрманбек Бакиев бүгін үкіметті отставкаға жіберді. Бұл туралы мемлекет басшысы бүгін өткен үкіметтің отырысында хабарлады.
"Қырғызстан Республикасы Конституциясының жаңа редакциясы туралы" заң күшіне енген күннен бастап үкімет отставкаға кетуге тиіс екені өздеріңізге белгілі. Осы нормаға сәйкес, мен бүгін үкіметті отставкаға жіберу туралы жарлыққа қол қойдым", - деп мәлімдеді Қ. Бакиев.
Президенттің айтуынша, бұл отставка үкімет кабинетінің жұмыс нәтижесін бағалауға әсте байланысты емес. Президенттің атап көрсетуінше, премьер-министрдің басқаруындағы үкімет "өзіне жүктелген міндеттердің басым бөлігін табысты атқара алды". Осыған байланысты Қ. Бакиев барлық үкімет мүшелерінен жаңа министрлер кабинеті қалыптасқанға дейін өз міндеттерін атқара беруді сұрады.
Президенттің айтуынша, қазіргі Конституцияға сәйкес, үкімет басшысының кандидатурасын парламент сайлауында басым дауыс жинаған партия ұсынады.
Қ. Бакиев бұған қоса Қырғызстан үкіметінің жаңа құрамы ағымдағы жылдың аяғына дейін жасақталады дегенге сенім білдірді.
Осы орайда еске сала кетсек, Алмазбек Атамбаев республика үкіметін үстіміздегі жылдың наурыз айынан бері басқарды.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.