БІШКЕК. 20-ақпан. Kazakhstan Today. Қырғызстан президентінің әкімшілігі оппозицияны деректерді қасақана бұрмалады деп айыптауда, деп хабарлайды Kazakhstan Today агенттігінің тілшісі.
"Бүгінгі нақты ахуал мен мен деректерді қасақана бұрмалау, оңды өзгерістерді қасақана бүгіп қалу мен әдейі жасыру ... бұның бәрі жаңа құрылған саяси қозғалыстың өз үндеулерінде айтылғандағыдан мүлдем басқаша мақсаттарды көздейтіндіктерінің куәсі болып отыр",- деп айтылған "Қырғызстанның лайықты келешегі үшін" бірлескен майданының кешегі мәлімдемесіне жауап ретінде Қырғызстан президентінің баспасөз қызметі таратқан баспасөз баянында.
"Саясатакерлер осы тектес шындыққа жанаспайтын мәлімдемелер жасай отырып, тек өздерінің беделдері мен саяси келешегіне ғана емес, өз мемлекетіміздің саяси келешегіне балта шапқалы отырғандықтарын ойламайды",- деп көрсетілген баспасөз қызметінің құжатында.
"Қазір саяси қарсылық көрсететін уақыт емес",- делінген баспасөз баянында. "Кез-келген радикализмнің бой көтеруіне жол берілмейді және Қырғызстанның халқы мен саналы күштері тарапынан қолдау таппайды",- деп жазады баспасөз қызметі.
"Қырғызстан Республикасының Конституциясы аясында елімізде бейбітшілік пен тыныштықты қамтамасыз ету функциясын атқаратын билік мемлекетте тұрақтылық пен азаматтардың қауіпсіздігін сақтай отырып, осы функцияларды орындауға міндетті және орындайды",- делінген құжатта.
Бұрын хабарлағанымыздай, 19-ақпанда құрамына бұрынғы үкімет басшысы Феликс Куловты қосып алған "Қырғызстанның лайықты болашағы үшін" атты жаңа бірлестік Қырғызстан оппозициясы атынан республика азаматтарын президенттік сайлау мен кезекті конститциялық реформаны мерізімінен бұрын өткізуге шақырған болатын.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қырғызстан президентінің әкімшілігі оппозицияны деректерді қасақана бұрмалады деп айыптауда
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.