БІШКЕК. 25-маусым. Kazakhstan Today. 26-маусымда Ыстықкөлде Ұжымдық қауіпсіздік шарты ұйымының әскери-спорттық ұйымдарының "Одақ 2007" атты халықаралық жиыны басталады. Бұл туралы бүгін өткен баспасөз мәслихатында Ұжымдық қауіпсіздік шарты ұйымының бас хатшысы Николай Бордюжа мәлімдеді, деп хабарлайды Kazakhstan Today тілшісі.
Н. Бордюжаның айтуынша, жиынға Ұжымдық қауіпсіздік шарты ұйымына мүше 6 елдің 9 құрамасы қатысады. Жиынға қатысудан Өзбекстан соңғы сәтте бас тартса, Ресей мен Қырғызстан екі құрамадан жолдамақшы.
"Егемендік бір жағынан мемлекетке дербестік әкелсе, екінші жағынан жастарды өзара жырақтатып жібереді",- деді ұйымның бас хатшысы.
Николай Бордюжа бұл жиынның бір кезде танымал болған "Зарницаның" баламасына айналады дегенге сенім білдірді. Оның пікірінше, шара өскелең ұрпақты әскери-отаншылдық рухта тәрбиелеуге септігін тигізбек.
Журналистер сауалына жауап берген бас хатшы ұйымның аясын кеңейту қарастырылмағанын, оған ешбір елдің өтініш білдірмегенін жеткізді.
Ұжымдық қауіпсіздік шарты ұйымының бас хатшысы Ыстықкөлде бүкілодақтық "Артек" лагерінің баламасын ашу мүмкіндігі бар екенін атап өтті. "Қырғызстандағы лагерь жастардың өзара интеграциялануының нышанына айналар еді",- деді Н.Бордюжа.
Ұжымдық қауіпсіздік шарты ұйымына Армения, Беларусь, Қазақстан, Қырғызстан, Ресей, Өзбекстан мен Тәжікстан мүше.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қырғызстанда Ұжымдық қауіпсіздік шарты ұйымының әскери-спорттық ұйымдарының жиыны өтеді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.