Қырғызстанды экономикалық сауықтыру бағдарламасы аясында Шүкеев бастаған жұмыс тобы құрылды - СІМ
"Тараптар ҚР президенті Нұрсұлтан Назарбаев пен Р. Отунбаеваның Ақордадағы кездесуі барысында қол жеткізілген Қырғызстанды экономикалық сауықтыру бағдарламасының жүзеге асырылуына қатысты іс-шараларды талқылады",- деп айтылған ҚР СІМ баспасөз қызметінің баспасөз баянында.
Астана. 12-шілде. Kazakhstan Today Қазақстанда Қырғызстанды экономикалық сауықтыру бағдарламасы аясында ҚР премьер-министрдің бірінші орынбасары Өмірзақ Шүкеевтің басшылығымен жұмыс тобы құрылды. Бұл туралы Қырғызстан Республикасының президенті Роза Отунбаевамен телефон арқылы сөйлесу барысында ЕҚжЫҰ қазіргі төрағасы, мемлекеттік хатшы ҚР сыртқы істер министрі Қанат Саудабаев мәлім етті, деп хабарлайды Kazakhstan Today агенттігінің тілшісі ҚР СІМ баспасөз қызметіне сілтеме жасай отырып.
"Тараптар ҚР президенті Нұрсұлтан Назарбаев пен Р. Отунбаеваның Ақордадағы кездесуі барысында қол жеткізілген Қырғызстанды экономикалық сауықтыру бағдарламасының жүзеге асырылуына қатысты іс-шараларды талқылады",- деп айтылған ҚР СІМ баспасөз қызметінің баспасөз баянында.
Министрліктің мәліметтеріне сүйенсек, "Р.Отунбаева Н. Назарбаевтің өкімімен ҚР премьер-министрдің бірінші орынбасары Өмірзақ Шүкеевтің басшылығымен жұмыс тобының құрылуы туралы ақпаратты ризашылықпен қабылдаған".
"Осы тектес жұмыс тобы қырғыз тарапынан да құрылуда. Тараптар осы аталған топтардың Қырғызстанды экономикалық сауықтыру, Ош және Жалал- Абад қалаларын қалпына келтіруге қатысты нақты шараларды анықтау үшін жуық арада отырыс өткізу қажеттігі туралы келісті",- деп қайталап хабарлайды ҚР СІМ Роза Отунбаеваның айтқанын.
Сонымен қатар, министрліктің баспасөз қызметі "ЕҚжЫҰ басқарып отырған Қазақстан осы елдің инвестициялық портфелін құру үшін және көмек қолын тарту үшін Халықаралық донорлық конференция ұйымдастырмақ" екендігін хабарлады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.