Қырғызстанға өз азаматтарын қауіпсіз жерге көшіру үшін Түркияның екі ұшағы аттандырылды
Бұл шешім Қырғызстанның оңтүстігіндегі ахуалдың ушығып бара жатқандығына байланысты қабылданған. Зардап шеккендердің арасында Түркия азаматы да бар екендігі белгілі.
Алматы. 15-маусым. Kazakhstan Today - Кеше Қырғызстанға өз азаматтарын қауіпсіз жерге көшіру үшін Түркияның екі ұшағы жіберілді. Бұл туралы кеше Түркияның СІМ басшысы Ахмет Давутоглу мәлім етті, деп хабарлайды Kazakhstan Today агенттігі "Вести.Ru" сілтеме жасай отырып.
"Вести.Ru" мәліметтеріне сүйенсек, Түркияның сыртқы істер министрінің хабарлауынша, ұшақтар Ош және Жалал-Абад қалаларына барады.
Бұл шешім Қырғызстанның оңтүстігіндегі ахуалдың ушығып бара жатқандығына байланысты қабылданған. Зардап шеккендердің арасында Түркия азаматы да бар екендігі белгілі.
Тәртіпсіздік кезінде Түркияның TRT Угур Озен мемлекеттік телерадиокомпаниясының жергілікті тілшісі зардап шеккен болатын. ИТАР-ТАСС хабарлауынша, ол көтеріліске шығушыларды түсірмек болған кезде олар шетелдік журналисті соққыға жыққан.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.