Қырымда бейресми кездесуге қатысқан ТМД мемлекеттерінің басшылары бірлескен мәлімдеме қабылдады
Алматы. 12-шілде. Kazakhstan Today Қырымда бейресми кездесуге қатысқан ТМД мемлекеттерінің басшылары бірлескен мәлімдеме қабылдады, деп хабарлайды Kazakhstan Today агенттігінің тілшісі NEWSru ақпараттық порталына сілтеме жасай отырып.
Саммитке Изірбайжан, Армения, Беларусь, Қазақстан, Ресей және Украина мемлекеттерінің президенттері қатысуда.
Кездесу қорытыдысы бойынша президенттер Еркін сауда аймағы туралы жаңа келісімге қатысты жұмысты жалғастыруға келісті. "Еркін сауда аймағы туралы жаңа келісімге қатысты белсенді жұмысты жалғастырып, ТМД мемлекеттерінің басшылары Кеңесінің кезекті отырысында қарастыру туралы келісімге қол жеткізілді",- деп айтылған Достастық елдерінің басшыларының бейресми кездесуіне қатысушылардың бірлескен мәлімдемесінде.
Президенттер сондай-ақ халықаралық транспорттық дәліздерді дамытуға қатысты пікір алмасуды жалғастырмақ және де ТМД елдерінде жаңа курорттық денсаулық сақтау және емдеу нысандарын құруға бағытталған инвестициялық жобаларды бірлесе отырып жүзеге асыру жөн деп санайды, деп айтылған Достастық елдері басшыларының бейресми кездесуіне қатысушылардың біріккен мәлімдемесінде.
"Маңызды инфрақұрылымдық жобалады жүзеге асыруға белсенді түрде қатысуға ат салысуды растаймыз",- деп көрсетілген мәлімдемеде.
Естеріңізге сала кетсек, сенбі күні Ялта қаласындағы Ливадия сарайында ТМД мемлекеттерінің басшыларының бейресми саммиті ашылған болатын. Екі күндік кездесу жұма күні өзінің 60 жасын атап өткен Украина президенті Виктор Януковичтің бастамасымен өткізілді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.