Қытай Қазақстанға ЭКСПО-2017 көрмесін өткізуде табыс тіледі
"Біз көршілес мемлекет - Қазақстаннның ЭКСПО-2017 көрмесін өткізетініне қуаныштымыз. Біз Қазақстан бұл шараны жоғары деңгейде өткізеді деген сенімдеміз. Бұл әлемге елдеріңізді танытудың оңтайлы тәсілі, онымен бірге мемлекеттеріңіздің басқа елдермен қарым-қатынас орнатуына ықпалын тигізеді", - деді қытайлық дипломат.
Пекин. 30-қараша. Kazakhstan Today - Қытай Қазақстанға ЭКСПО-2017 көрмесін өткізуде табыс тіледі, деп хабарлайды Kazakhstan Today агенттігінің тілшісі.
ҚазАқпарат агенттігінң хабарлауынша, бүгін ҚХР СІМ ресми өкілі Хун Лэй ЭКСПО-2017 көрмесін өткізу бұл - Қазақстанды әлемге танытудың жақсы мүмкіндігі, деп мәлім етті.
"Біз көршілес мемлекет - Қазақстаннның ЭКСПО-2017 көрмесін өткізетініне қуаныштымыз. Біз Қазақстан бұл шараны жоғары деңгейде өткізеді деген сенімдеміз. Бұл әлемге елдеріңізді танытудың оңтайлы тәсілі, онымен бірге мемлекеттеріңіздің басқа елдермен қарым-қатынас орнатуына ықпалын тигізеді", - деді қытайлық дипломат.
ҚазАқпарат бұған дейін хабарлағандай, 22 қарашада Халықаралық көрмелер бюросының 161 мүше-мемлекеті өкілдерінің жасырын дауыс беруі нәтижесінде Астана ЭКСПО-2017 Халықаралық мамандандырылған көрмесін өткізу құқығына ие болған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.