Қытайдың вице-премьері Қазақстанға жұмыс сапарымен келеді
Чэн Гопиннің хабарлауынша, ҚХР Мемлекеттік кеңесі вице-премьерінің ҚР Президенті Нұрсұлтан Назарбаевпен кездесуі жоспарланған.
Пекин. 30-қараша. Kazakhstan Today - ҚХР Мемлекеттік кеңесінің вице-премьері Ван Цишань ҚР вице-премьері Қайрат Келімбетовтің шақыруымен 7-8 желтоқсан күндері Қазақстанға сапар жасайды, деп хабарлайды Kazakhstan Today агенттігінің тілшісі.
Бұл туралы бүгін Қытай Сыртқы істер министрінің орынбасары Чэн Гопин Бейжіңде өткен баспасөз мәслихаты барысында мәлім етті.
Чэн Гопиннің хабарлауынша, ҚХР Мемлекеттік кеңесі вице-премьерінің ҚР Президенті Нұрсұлтан Назарбаевпен кездесуі жоспарланған.
Сапар аясында Ван Цишань қазақстандық-қытайлық ынтымақтастық бойынша комиссияның 6-шы отырысына қатысып, Қ.Келімбетовпен кездесу өткізеді. Тараптар екіжақты ынтымақтастық бойынша пікір алмасады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.