Көксарай контррегуляторын салу туралы шешім Орталық Азияда су-энергетикалық консорциум құру мәселесіне қайшы келмейді - Кәрім Мәсімов
Көксарай контррегуляторын салу туралы шешім Орталық Азияда су-энергетикалық консорциум құру мәселесіне қайшы келмейді - Кәрім Мәсімов
Астана. 18 наурыз. "Қазақстан Бүгін" - Көксарай контррегуляторын салу туралы шешім Орталық Азияда су-энергетикалық консорциум құру мәселесіне қайшы келмейді. Бұл туралы бүгін республика үкімет басшысы Кәрім Мәсімов мәлімдеді, деп хабарлайды Қазақстан Бүгін тілшісі.
"Мен көршілес елдердегі өз әріптестеріммен келіссөздер жүргізіп, Көксарай контррегуляторын салу туралы мәселе бойынша олардың көзқарасын талқыладым. Мен бұл мәселені біз Орталық Азияда су-энергетикалық консорциум құру мәселесіне ешқашан қарсы қоймаймыз деп ресми түрде мәлімдеймін", -деді Кәрім Мәсімов.
"Бүгін біз Көксарай контррегуляторын салу туралы мәселе бойынша қандай шешім қабылдасақ та, консорциум құру мәселемі оған мүлдем қатыссыз жүзеге асырыла береді, сол себепті біз барлық көрші елдермен достық байланысты нығайту үшін осы бағыттағы келіссөздерді жалғастыра беруіміз қажет", - деді ол.
"Бұл біздің мемлекет басшымыздың тапсырмасы, бұл - Орталық Азия республикаларның президенттері қабылдаған шешім", - деді премьер.
"Сол себепті біз бір шешімді екіншісіне қарсы қоймаймыз дегенді ресми мәлімдеме ретінде қарастыруды сұраймын. Ал консорциум құру мәселесін біз одан әрі жалғастырып, келіссөздерді мүдделер қайшылығы мен қиындықтарға қарамастан жалғастыра беруіміз керек", - деп қорытты Кәрім Мәсімов.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.