АСТАНА. 16-мамыр. Kazakhstan Today. Бүгін парламент палаталарының бірлескен отырысында мемлекет басшысы таныстырған Конституцияға енгізілетін түзетулерде үшінші шақырылған парламент мәжілісі депутаттарының өкілеттілігін мерзімінен бұрын аяқтауы қарастырылмаған. Бұл туралы Конституциялық кеңес төрағасы Игорь Рогов журналистерге берген сұхбатында мәлімдеі, деп хабарлайды Kazakhstan Today тілшісі.
"Мен заң жобасындағы нормадан сөздәйек келтірейін, президент бұл туралы айтпады. Мәселен, заң жобасының 2-бабы, 1-тармағында атап көрсетілгеніндей: "ҚР парламенті мен оның палаталары осы заңда олар үшін қарастырылған конституциялық өкілеттілікке үшінші шақырылған парламент мәжілісінің өкілеттілік мерзімі аяқталғаннан кейін ие болады. Басқаша айтқанда, осы шақырылымның өкілеттілік мерзімі аяқталғаннан кейін парламент аталған өкілеттілікке ие болады",- деді И.Рогов.
И.Роговтың айтуынша, "Қазақстан Республикасының Конституциясына өзгерістер енгізу туралы" заңда мерзімінен бұрын парламент сайлауы өткізіледі деп көрсетілмеген. Заң жобасында бұл жайында мүлдем айтылмаған",- деді ол.
"Депутаттар жұмыс істей береді. Бұл заңның жобасында атап көрсетілгеніндей, өкілеттіліке ие болудың жаңа тәртіптері қарастырылған депутаттар да, басқа лауазым иелері де (үкімет) өздерінің өкілеттілік мерзімі аяқталғанға дейін, немесе, өкілеттілік мерзімі қарастырылмағандар өз өкілеттіліктерінен бас тартқанға дейін жұмыс істей береді",- деді Конституциялық кеңес төрағасы.
"Барлық мәселе мәжілістің өкілеттілігіне байланысты болғандықтан, мәжілістің қазіргі құрамы жұмыс істеп жатқан мерзімде барлық органдар бұрынғыдай жұмыс істей береді",- деді ол.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Конституцияға енгізілетін түзетулерде үшінші шақырылған парламент мәжілісі депутаттарының өкілеттілігін мерзімінен бұрын аяқтауы қарастырылмаған - Конституциялық кеңес төрағасы
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.