ҚР индустрияландыру картасына беларусь техникасын 98,6 млн. АҚШ долларынан астам қаржыға жинастыратын бес бірлескен жоба енген
Минскіде ресми сапарда жүрген ҚР Парламенті Мәжілісінің төрағасы Орал Мұхамеджанов Минск трактор зауытында болып, өндірістік цехтарды аралап, кәсіпорынның жаңа техникалары қойылған көрмемен танысты.
Астана. 26-қазан. Kazakhstan Today - ҚР индустрияландыру картасына беларусь техникасын 98,6 млн. АҚШ долларынан астам қаржыға жинастыратын бес бірлескен жоба енген, деп хабарлайды Kazakhstan Today агенттігінің тілшісі ҚР парламентінің баспасөз қызметіне сілтеме жасай отырып.
Минскіде ресми сапарда жүрген ҚР Парламенті Мәжілісінің төрағасы Орал Мұхамеджанов Минск трактор зауытында болып, өндірістік цехтарды аралап, кәсіпорынның жаңа техникалары қойылған көрмемен танысты.
Қазақстан мен Беларусь елдері арасындағы өндіріс коперациясын дамыту мақсатында 2010-2011 жылдарға арналған Бірлескен шаралар жоспары жүзеге асырылуда. Бүгінде Қазақстанның индустрияландыру картасына беларусь техникасын 98,6 млн. АҚШ долларынан астам қаржыға жинастыратын 5 бірлескен жоба енді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.