ҚР Қырғызстандағы елшісі Қырғызстанның премьер-министрімен қазақстандық инвесторлардың мүдделерін қорғау мәселесін талқылады
ҚазАқпарат агенттігінің ҚР СІМ-нің баспасөз қызметіне сілтеме жасай отырып хабарлауынша, Қырғызстанның Үкімет үйінде Қазақстанның Қырғызстандағы елішісі Бейбіт Исабаев Қырғызстанның Премьер-Министрі Жанторо Сатыбалдиевпен кездескен.
Бішкек. 10-қазан. Kazakhstan Today - ҚР Елшісі мен Қырғызстанның Премьер-Министрі Қырғыз Республикасында жұмыс істейтін қазақстандық инвесторлардың құқықтары мен заңды мүдделерін қорғау мәселелерін талқылады, деп хабарлайды Kazakhstan Today агенттігінің тілшісі.
ҚазАқпарат агенттігінің ҚР СІМ-нің баспасөз қызметіне сілтеме жасай отырып хабарлауынша, Қырғызстанның Үкімет үйінде Қазақстанның Қырғызстандағы елішісі Бейбіт Исабаев Қырғызстанның Премьер-Министрі Жанторо Сатыбалдиевпен кездескен.
Қазақстан елшісі қырғыздың Үкімет басшысына көрсетілген қабылдау мен екіжақты қарым-қатынасты ұйымдастырғаны үшін алғысын білдіріп, Ж. Сатыбалдиевті Қырғызстанның Премьер-Министрі қызметіне тағайындалуымен құттықтап, жемісті жұмыс тіледі.
Кездесудің барысында тараптар екіжақты сауда-экономикалық, су-энергетикалық және инвестициялық ынтымақтастықты жандандыру саласында өзекті мәселелерді талқылады. Атап айтқанда, ҚР-да жұмыс істетейтін қазақстандық инвесторлардың заңды мүдделерін және құқығын қорғау және Қырғызстаннан Қазақстанға ет-сүт өнімдерін кіргізуге тыйым салу мәселелерін шешу және басқа да өзекті мәселелер талқыланды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.