АСТАНА. 16-наурыз. Kazakhstan Today. Кеше Астанада ҚР көлік және коммуникациялар министрі Серік Ахметов пен ЕурАзЭҚ бас хатшысы Григорий Рапотаның кездесуі өтті. Бұл туралы Kazakhstan Today тілшісіне ҚР көлік және коммуникациялар министрлігінің баспасөз қызметінен хабарлады.
Кездесу барысында ЕурАзЭҚ-тың біртұтас транспорттық кеңістігін құру тұжырымдамасының жобасына, темір жол транспортындағы баға саясаты саласындағы құжаттарды бекіту және "Сухой ТКБ" ААҚ-да өндірілген ұшақтарды сатып алуға қатысты бірқатар мәселелер талқыланды.
Кездесу барысында Г.Рапота 2007-жылдың 18-сәуірінде Астанада ЕурАзЭҚ мемлекетаралық кеңесінің отырысы өтетінін еске салды.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
ҚР көлік және коммуникациялар министрі мен ЕурАзЭҚ бас хатшысы достастықтың біртұтас транспорттық кеңістігін құру тұжырымдамасының жобасын талқылады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.