ҚР Премьер-Министрі С.Ахметов Украина Үкіметінің Басшысы Николай Азаровпен кездесу өткізді
Оңаша өткізген әңгіме барысында тараптар кең көлемді екіжақты және көпқырлы өзара іс-қимыл мәселелерін талқылап, халықаралық күн тәртібі бойынша пікір алмасты.
Астана. 4-сәуір. Kazakhstan Today - Бүгін ҚР Премьер-Министрі Серік Ахметов Украинаға жасаған ресми сапары аясында украиналық әріптесі Николай Азаровпен кездесу өткізді, деп хабарлайды Kazakhstan Today агенттігінің тілшісі.
Оңаша өткізген әңгіме барысында тараптар кең көлемді екіжақты және көпқырлы өзара іс-қимыл мәселелерін талқылап, халықаралық күн тәртібі бойынша пікір алмасты.
С.Ахметов қазақстандық делегацияның Киевке келуінің маңыздылығын атай отырып, "бұл сапардың екі елдің игілігі жолындағы екіжақты ынтымақтастықты одан әрі нығайтуға қосымша серпін беретініне" сенім білдірді.
Өз кезегінде, Н.Азаров екіжақты іс-қимыл деңгейін жоғары бағалай отырып, мемлекетаралық қарым-қатынастың барлық саласы бойынша өзара тиімді ынтымақтастықты одан әрі дамыта түсуді ұсынды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.