АСТАНА. 5-қыркүйек. Kazakhstan Today. Бүгін Алматыда ҚР СІМ Қасымжомарт Тоқаев Ұлыбритания мен Солтүстік Ирландия Біріккен Корольдігі СІМ-нің орынбасары - Еуропа істері жөніндегі мемлекеттік министрі Джефф Хунды қабылдады. Бұл туралы Kazakhstan Today тілшісіне ҚР СІМ-нің баспасөз қызметінен хабарлады.
Кездесу барысында дипломаттар өзара сауда-экономикалық ынтымақтастыққа, Орталық Азиядағы ахуалға, аймақтық және ғаламдық энергетикалық қауіпсіздікті қамтамасыз етудегі Қазақстанның ролі туралы талқылады.
Сапар аясында Дж.Хун еліміздің министрліктері мен мекемелерінде кездесулер өткізіп, ҚР энергетика және минералды ресурстар министрлігі, Ұлыбритания елшілігі мен БҰҰ Даму бағдарламасы бірлесе ұйымдастырған "Қазақстанда жаңа энергия көздерін дамыту келешегі" атты семинарға қатысты.
Бұрынғы қорғаныс министрі әрі Ұлыбритания парламенті қауымдар палатасының жетекшісі Дж.Хун ықпалды саясаткер болып табылады және ол Еуропа істері жөніндегі мемлекеттік министрі деген дәреже иесі, дейді баспасөз қызметіндегілер.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
ҚР СІМ мен Ұлыбритания СІМ-нің орынбасары сауда-экономикалық өзара ынтымақтастық мәселелерін талқылады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.