ҚР СІМ-нің төтенше тапсырмалар жөніндегі елшісі БҰҰ комитетінің сайлауына қатысады
Астана. 28 шілде. "Қазақстан Бүгін" - ҚР СІМ-нің төтенше тапсырмалар жөніндегі елшісі Мәдина Жарбосынова БҰҰ-ның әйелдерге қатысты алалаушылықты жою жөніндегі комитетінің 2009-2011 жылдарға арналған сайлауына қатысады. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің баспасөз хатшысы Ілияс Омаров құлағдар етті,- деп хабарлайды Қазақстан Бүгін тілшісі.
"30 шілдеде Нью-Йоркте БҰҰ-ның әйелдерге қатысты алалаушылықты жою жөніндегі комитетінің 2009-2011 жылдарға арналған сайлауы өтеді. Еліміздің атынан ҚР СІМ-нің төтенше тапсырмалар жөніндегі елшісі Мәдина Жарбосынованың кандидатурасы ұсынылған. Ол Нью-Йоркте СИДО Конвенциясына қатысушы елдердің дипломатиялық миссияларының өкілдерімен кездеседі", - деді І. Омаров.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті