ҚР сыртқы істер министрі Түркия мен Словакияның елшілерімен кездесті - баспасөз баяны
Министр сонымен қатар, келесі жыл екі ел арасындағы дипломатиялық қарым-қатынастардың орнатылғанына 20 жыл толуымен атап өтілетінін айтып, соған орай қазақстандық ресми делегацияның Словакия еліне сапары болатындығын хабарлады.
19-қыркүйек күні Астанада ҚР Сыртқы істер министрі Ержан Қазыханов биыл өкілеттігі аяқталған Қазақстандағы Словакия Республикасының Төтенше және Өкілетті Елшісі Любомир Регакты қабылдап, словак дипломатына еліміздегі жемісті әріптестігі үшін алғысхат тапсырды.
Министр сонымен қатар, келесі жыл екі ел арасындағы дипломатиялық қарым-қатынастардың орнатылғанына 20 жыл толуымен атап өтілетінін айтып, соған орай қазақстандық ресми делегацияның Словакия еліне сапары болатындығын хабарлады.
Айта кетейік, Л. Регак Қазақстанға Словакия Елшісі ретінде 2011 жылы маусым айында келген болатын.
Сонымен қатар, ҚР Сыртқы істер министрі Ержан Қазыханов Қазақстандағы Түркия Республикасының Төтенше және Өкілетті Елшісі Өмер Бурхан Түзелді қабылдады.
Кездесу барысында тараптар елдер арасындағы екіжақты қарым-қатынастардың жағымды серпінін атап өтті және Қазақстан мен Түркияның сан-салалы әріптестігін дамытуға даярлықтарын білдірді.
Өмер Бурхан Түзел Қазақстандағы өзінің өкілеттігіне 2012 жылдың 16 тамызында кіріскен болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.