ҚР Жоғарғы сотының судьясы ШЫҰ-ына мүше елдерде экологиялық шығындарды айқындаудың біртұтас көзқарасын дәйектеуді ұсынады
ҚР Жоғарғы сотының судьясы ШЫҰ-ына мүше елдерде экологиялық шығындарды айқындаудың біртұтас көзқарасын дәйектеуді ұсынады
Астана. 19 мамыр. "Қазақстан Бүгін" - ҚР Жоғарғы сотының судьясы Владимир Борисов ШЫҰ-ына мүше елдердің аясында табиғатты пайдаланушылардың қоршаған ортаға келтірген шығындарын айқындаудың біртұтас көзқарасын дәйектеуді ұсынады. Бұл туралы ол бүгін Астанада Шанхай ынтымақтастық ұйымына мүше елдердің Жоғарғы сот төрағаларының ІІІ кеңесі барысында мәлім етті, деп хабарлайды агенттік тілшісі.
"Табиғатты пайдаланушылардың өндірістік және өзге де іс-қызметі барысында қоршаған ортаға келтірген шығындарын айқындау әдістемелері бойынша біртұтас көзқарасты дәйектеуде Шанхай ынтымақтастығы ұйымына мүше елдердің қоршаған ортаны қорғау саласындағы уәкілетті органдары мен Жоғарғы соттарының күшін біріктіру қажет", деді В. Борисов.
"Экологиялық заңды бұзушылардың материалдық шығынын айқындаудың осындай әдістемелеріне қатысты біртұтас көзқарастарды келіспейінше, ШЫҰ-ына мүше елдердің экологиялық мүдделерін толық қамтамасыз ету мүмкін емес", -деді ол.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.