Мансұров ЕурАзЭҚ-тың дағдарысқа қарсы қоры 2009 жылдың қазан айында жұмысын бастайды деген ақпаратты растады
Мансұров ЕурАзЭҚ-тың дағдарысқа қарсы қоры 2009 жылдың қазан айында жұмысын бастайды деген ақпаратты растады
Алматы. 24 қыркүйек. Kazakhstan Today - ЕурАзЭҚ бас хатшысы Тайыр Мансұров ЕурАзЭҚ-тың дағдарысқа қарсы қоры 2009 жылдың қазан айында жұмысын бастайды деген ақпаратты растады. Бұл туралы ол бүгін "Кедендік одақ - ЕурАзЭҚ-тың интеграциялық серпілісі" атты инвестициялық форум барысында мәлім етті, деп хабарлайды Kazakhstan Today.
"Өңірлік тетікті жүзеге асырудың бір мысалы ретінде ЕурАзЭҚ-тың дағдарысқа қарсы қорын $10 млрд көлеміндегі қаржымен құру туралы шешімді атауға болады. Үкімет басшылары маусымда дағдарысқа қарсы қор құру туралы шарт пен оның ережелерін қабылдады. Сонымен біруақытта қаржы министрлері Еуразиялық Даму банкімен арадағы қор қаржысын басқару жөніндегі келісімге қол қойды", - деді Т. Мансұров.
"Бұл құжатты ратификациялау шаралары қазанда аяқталады, қор сосын іске кіріседі", - деді бас хатшы.
Оның айтуынша, "бұл қордың қаражаты ақылылық, шұғылдық және қайтарымдылық шартымен қатысушы мемлекеттерге әлемдік қаржы дағдарысының кері әсерлерін еңсеруге арнаалған дербес несиелер, тұрақтандыру несиелері түрінде, сондай-ақ, мемлекетаралық инвестициялық жобаларды қаржыландыруға беріледі".
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.