Мәскеуде Кедендік Одақ комиссиясы тарифтік емес реттеудің ортақ жүйесін ұйымдастыру мәселесін талқылайды
Мәскеуде Кедендік Одақ комиссиясы тарифтік емес реттеудің ортақ жүйесін ұйымдастыру мәселесін талқылайды
Астана. 25 қаңтар. Kazakhstan Today - Мәскеуде 27 қаңтарда Кедендік Одақ комиссиясының 13-ші бас қосуы өтеді. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Асқар Ибдірахманов құлағдар етті,- деп хабарлайды Kazakhstan Today.
Бас қосуға қатысатын қазақстандық делегацияны премьер-министрдің бірінші орынбасары әрі Кедендік одақ комиссиясының мүшесі Өмірзақ Шүкеев басқарады.
Бас қосу барысында делегациялар шеттен әкелінетін тауарларға кедендік баж салығын, тепе-тең маңызға ие басқа да салықтар мен алымдарды есептеу және бөлу тәртібі, Одаққа мүше елдердің салықтық өкілдер тобын құру жөніндегі жобаларды қарастырмақ.
Сонымен қатар, Кедендік одақта тарифтік емес реттеудің ортақ жүйесін ұйымдастыру, Сыртқы сауданы реттеу жөніндегі комитет құру және үш елдің бірыңғай экономикалық кеңістігін құруға бағытталған күнтізбелік жоспарды бекіту мәселелері талқыланады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.