АСТАНА. 25-маусым. Kazakhstan Today. Бішкекте 27-маусымда ШЫҰ-ына мүше елдердің қорғаныс министрлерінің кезекті кеңесі өтеді. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Kazakhstan Today тілшісі.
"Бұл шараның барысында ағымдағы жылдың тамыз айында Ресей Федерациясында Шанхай ынтымақтастығы ұйымына мүше елдердің "Бейбіт миссия-2007" атты антитеррорлық әскери оқу-жаттығуларын өткізу мен қорғаныс саласындағы ынтымақтастықтың өзекті мәселелерін талқылау көзделген",- деді ол.
Кеңес қорытындысы бойынша Шанхай ынтымақтастығы ұйымына мүше елдердің бірлескен коммнюникесі мен бірлескен әскери оқу-жаттығуларды өткізіп тұру туралы келісімге қол қою межеленген.
Ал 29-маусымда Мәскеуде Шанхай ынтымақтастығы ұйымына мүше елдердің отын-энергетикалық кешені үшін жауап беретін министрліктер мен мекемелердің жетекшілерінің бірінші кездесуі өтеді. Кездесу барысында энергетика саласындағы ынтымақтастық, Шанхай ынтымақтастығы ұйымының шеңберінде энергетикалық қауіпсіздікті қамтамасыз ету, Шанхай ынтымақтастығы ұйымының энергетикалық клубын құру, сондай-ақ, Азияның энергетикалық стратегиясын жасау жайы сараланады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Маусымның аяғында Бішкекте ШЫҰ қорғаныс министрлерінің кеңесі өтеді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.