АСТАНА. 4-сәуір. Kazakhstan Today. Мемлекеттік хатшы Оралбай Ибдікәрімов Жаңа Зеландияның және Шри-Ланка Демократиялық Социалистік Республикасының елшілері Кристофер Джон Эдлер мен Удаянг Виратунгтен сенім грамоталарын қабылдады, деп хабарлайды Kazakhstan Today тілшісі президенттің баспасөз қызметіне сілтеме жасап.
Кездесулер барысында екіжақты ынтымақтастықты дамытудың келешегі талқыланды.
"Елдеріміз арасы шалғай жатқанымен біз өзара мүдделеріміз арқылы жақынбыз. Біз қазірдің өзінде БҰҰ және АСЕАН сияқты халықаралық ұйымдар шеңберінде ынтымақтасудамыз және тығыз екіжақты қарым-қатынасты барынша жандандыруға ниеттіміз. Біз елдеріміз арасында білім, мемлекеттік қызмет және ауыл шаруашылығы тәрізді салалардағы ынтымақтастықтықтың келешегі зор деп санаймыз. Бүгінде біз аталған бағыттар бойынша байланыстар орнаттық және былтырғы жылы Қазақстаннан үш ресми делегация Жаңа Зеландияда болып қайтты", - деді Жаңа Зеландияның елшісі журналистерге арналған брифингте.
Шри-Ланка елшісі сауда-экономикалық ынтымақтастықты дамыту қажеттігін атап өтті және Қазақстан инвесторларын өз елінің экономикалық дамуына қатысуға шақырды.
"Мен Астанаға тұңғыш келгеніме және осындай қысқа мерзімде бой көтерген керемет қаланы көргеніме қуаныштымын. Қазақстан мен Шри-Ланка арасында экономикалық және инвестициялық ынтымақтастықты кеңейтудің мүмкіндіктері мол. Қазақстандық компаниялар біздің еркін экономикалық аймақтарымызды дамытуға қатыса алады", - деді У.Виратунг кездесуден кейін.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Мемлекеттік хатшы Жаңа Зеландия мен Шри-Ланка елшілерінің сенім грамоталарын қабылдады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.