Мысырдың экс президентінің денсаулығы сыр берді
Мысырдың экс президентінің денсаулығы сыр беріп, ауыр халде жатыр, деп хабарлайды Kazakhstan Today агенттігінің тілшісі.
Алматы. 14 - ақпан. Kazakhstan Today - Мысырдың экс президентінің денсаулығы сыр беріп, ауыр халде жатыр, деп хабарлайды Kazakhstan Today агенттігінің тілшісі.
Мысырда болған соңғы оқиғалар Мысырдың бұрынғы президенті Хосни Мүбаракқа қиын тиіп, оның денсаулығы сыр берген. Ол ауыр халде жатыр. Мұндай ақпарат жексенбі күні бірнеше египеттік және арабтың БАҚ жарық көрген, деп хабарлайды ИТАР-ТАСС.
"Аль-Масри аль-Яум" газетінің мәліметтеріне сүйенсек, Мүбарак қазіргі уақытта ес түссіз күйде жатыр. Баспа экс-президенттің маңындағы сенімді ақпарат көзіне сілтеме жасаған. Олардың айтуынша, оған медицналық жәрдем үйінде көрсетіліп жатыр, және де оны ауруханаға жеткізу туралы шешім әлі қабылданбаған.
Каирде Мүбарактың денсаулығына қатысты ешқандай ресми ақпарат әзірге жоқ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.