АЛМАТЫ. 26 шілде. Kazakhstan Today. Монғолия президенті Намбарын Энхбаяр 2007-жылдың тамыз айының 13 мен 15 аралығында ресми сапармен Қазақстанға келеді. Бұл туралы Kazakhstan Today тілшісіне Қазақстанның инвестицияларға қолдау көрсету жөніндегі "Қазинвест" орталығының баспасөз қызметінен хабарлады.
Н. Энхбаяр мырзаның сапары барысында Астанада екі елдің іскерлік өкілдері үшін бизнес-форум өткізу межеленген. Кездесу барысында тараптар ауылшаруашылығы, тау-кен ісі, құрылыс және құрылыс материалдары салаларындағы ынтымақтастыққа қатысты мәселелерді талқыламақшы. Монғолияның бизнес өкілдері арасында 20 ірі компанияның өкілдері келіп, қазақстандық кәсіпкерлерге өздерінің инвестициялық жобаларын таныстырады.
"Қазинвест" мәліметіне сәйкес, 2006 жылы екі ел арасындағы сауда-саттық көлемі 67,4 млн долларды, соның ішінде экспорт - $66,3 млн және импорт - $1 млн
(2005-жылғымен салыстырғанда тауар айналымы 1,2 есе өсті) құрады. Осы жылдың бірінші тоқсанында бұл көрсеткіш $7,76 млн, соның ішінде Қазақстанға шығарылған экспорт - $352,6 мың, Қазақстаннан алынған импорт - $7,41 млн (2006 жылғы осы мерзіммен салыстырғанда тауар айналымы 3,6 есе өсті) болды.
Қазақстан негізінен Монғолияға астық, мұнай өнімдері, темекі мен құбырлар шығарады. Ал осы елден ет, жүн, плавик шпатын алады.
Қазақстан Республикасы мен Монғолия арасындағы дипломатиялық қарым-қатынас 1992 жылдың 22-қаңтарында орнаған.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Монғолия президенті тамыздың ортасында ресми сапармен Қазақстанға келеді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.