ОРАЛ. 3-қазан. Kazakhstan Today. Елбасы Нұрсұлтан Назарбаев пен Владимир Путин Оралда екі елдің шекаралық аймақтарының тауар өндірушілерінің аймақаралық көрмесіне қатысты, деп хабарлайды Kazakhstan Today тілшісі.
Көрме аясында "Тасқала- Озинки" көлік-логистикалық орталығы мен халықаралық шекаралық ынтымақтастық орталығының тұсаукесері өткізілді. Бұлар Қазақстан мен Ресей арасындағы табысты дамып келе жатқан ықпалдастыққа қосымша серпін беруге тиіс.
Биылғы жыл Қазақстанда Пушкин жылы, ал Ресейде Абай жылы деп жарияланғаны белгілі. Осы жылдың басында екі мемлекет басшысы Мәскеу орталығында ұлы қазақ ақыны әрі ойшылы Абай Құнанбаевқа ескерткіш ашты.
Бүгін екі президент "А.Пушкин Оралда" атты мұражай экспозицияларының ашлыуына қатысып, орыс ақынының Орал өңірінде болған кезіне қатысты мұрағат материалдарымен танысты.
"Қазақстанда ондаған театрлар, мұражайлар, орталық көшелер, даңғылдар мен мектептер қазңр Пушкиннің атында. Тек тәуелсіздік жылдарында Қазақстанда ұлы орыс ақынына екі ескерткіш ашылды",- деп хабарлайды президенттің баспасөз қызметі.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Назарбаев пен Путин Оралда екі елдің шекаралық аймақтарының тауар өндірушілерінің аймақаралық көрмесіне қатысты
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.