АСТАНА. 29-наурыз. Kazakhstan Today. Қазақстан президенті Нұрсұлтан Назарбаев Варшавада өтетін энергетикалық саммитке Ресей Федерациясының қатысу мәселесі бойынша Ресей мен Польша арасындағы дәнекерші болмақ. Бұл туралы Польша президенті Лех Качиньский бүгін өткен баспасөз мәслихатында мәлім етті, деп хабарлайды Kazakhstan Today тілшісі.
"Біз Қазақстанмен президентімен Ресей туралы әңгімелестік. Қазақстан президенті тиісті келіссөздер жүргізеді. Оның нәтижелері туралы кезінде мәлімдейтін боламыз",- деді Польша президенті Л.Качиньский. "Түйткілдерді жақсы білетін, тіпті қазіргі мұнай және газ тасымалдау жолдарының техникалық мүмкіндіктерінен де кеңінен хабардар Қазақстан президенті маған Ресей арқылы бағыттан гөрі басқа бағытқа кедергі келтіретін көптеген қырларын көрсетіп берді",- деді Польша президенті.
Осы орайда ол "Польша Ресейдің жауы емес екенін" атап өтті. "Бірақ Польша мұнай және газ алатын бағыттарды әртараптандырғысы келеді. Біз Қазақстан президентімен осы мәселе жайында пікірлестік. Мен біздің еш бағытты мүлдем жоққа шығармайтындығымызды, бұрынғыдай келіссөздер жүргізе беретіндігімізді жеткіздім",- деді Л.Качиньский. "Варшавада өтетін энергетикалық саммитке Ресей Федерациясының қатысу мәселесінің басы ашық күйінде қалып отыр",- деді ол.
Л.Качиньский сонымен бірге "Қазақстанды осы кездесуге қатысуға шақырғанын" хабарлады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Назарбаев Варшавада өтетін энергетикалық саммитке қатысу мәселесі бойынша Ресей мен Польша арасындағы дәнекерші болмақ
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.