"Нұр Отан" Халықтық Демократиялық партиясы мен Қазақстан Республикасының Бас прокуратурасы ынтымақтастық туралы меморандумға қол қойды
"Нұр Отан" Халықтық Демократиялық партиясы мен Қазақстан Республикасының Бас прокуратурасы ынтымақтастық туралы меморандумға қол қойды
Астана. 3 желтоқсан. "Қазақстан Бүгін" - Бүгін "Нұр Отан" Халықтық Демократиялық партиясы төрағасының бірінші орынбасары Д.Қалетаев пен Қазақстан Республикасының Бас прокуроры Р.Түсіпбеков "Нұр Отан" ХДП және құқықтық жүйедегі демократиялық өзгерістерді жүзеге асыруды тереңдету, сондай-ақ сыбайлас жемқорлық көріністерімен күресті жетілдіру саласындағы негізгі қадағалау орган арасындағы ынтымақтастық туралы меморандумға қол қойды, деп хабарлайды агенттік тілшісі ҚР Бас прокуратурасының баспасөз қызметіне сілтеме жасап.
Баспасөз қызметінің ақпаратына сәйкес, "Нұр Отан" ХДП төрағасы Н.Назарбаев қойған міндеттерді жүзеге асыру, сыбайлас жемқорлық көріністері жөнінде түскен азаматтардың шағымдарына нақты және жедел ықпал ету, адамның және азаматтың құқықтары мен бостандықтарын бұзу фактілері бойынша ақпараттармен алмасу, сыбайлас жемқорлық сипатындағы тәртіп бұзушылықтарға ықпал етуші себептер мен жағдайларды айқындау және оларды жою бойынша бірлестікте жұмыстар ұйымдастыру, сондай-ақ қолданыстағы заңнама нормаларын жетілдіру шараларын қолдану - тараптар арасындағы ынтымақтастықтың негізгі мақсаттары деп белгіленді".
"Сонымен қатар, Қазақстанның сыбайлас жемқорлықпен күрес саласындағы халықаралық ынтымақтастығын кеңейтіп, қарқындатуға, азаматтардың және қоғамның конституциялық құқықтарын, бостандықтары мен заңды мүдделерін қорғауға, кәсіпкерлікті қолдауға, әкімшілік кедергілерді азайтуға, сыбайлас жемқорлықты жойға, өмір сүру деңгейі төмен тұрғындарға қолдау көрсетуге бағытталған түрлі іс-шараларды бірлесе отырып жүргізуге ерекше назар аударылды",- делінген хабарламада.
Сондай-ақ, тараптар партия мен қадағалау органы арасындағы ынтымақтастың формалары қоғам мен мемлекет өміріндегі өзекті мәселелер бойынша бірлестіктегі жоспарлар, бағдарламалар, жобалар, семинарлар, конференциялар және дөңгелек үстелдер, ынтымақтастық бағыттары бойынша сараптама комиссиялары мен жұмыс топтары болады деп шешті.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.