АСТАНА. 22-мамыр. Kazakhstan Today. Орталық сайлау комиссиясы мәжіліс сайлауының пропорционал жүйесіне көшуді қолдайды. Бүгін "Қазақстанды демократияландырудың жаңаша кезеңі - еркін демократиялық қоғамды қарқынды дамыту" тақырыбындағы "дөңгелек үстел" барысында Орталық сайлау комиссиясы төрағасының орынбасары Владимир Фоос осындай пікір білдірді, деп хабарлайды Kazakhstan Today тілшісі.
"Пропорционал жүйеге көшу, біздіңше, партиялардың пропорционал өкілдігі арқылы халықтың кез-келген тобының мүдделерін ескеруге мүмкіндік береді",- деді В.Фоос.
"Біз депутат бір мандатты округ бойынша сайланған кезде кем дегенде 50 процент +1 дауыс жинау қажет екендігі жөніндегі көптеген ескертулер алдық және оны білеміз. Сөйтіп, осы 50 проценттің сыртындағы сайлаушылардың мүддесі, әлбетте, өкілетті органда ескерілмей қалатын. Ендігі жерде осындай жағдай өзгереді",- деді ол.
Сонымен бірге, В.Фоостың пікірінше, сайлаудың пропорционал жүйесі кезінде "лас технологияларды пайдалану мүмкіндіктері азаяды".
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Орталық сайлау комиссиясы мәжіліс сайлауының пропорционал жүйесіне көшуді қолдайды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.