Ош қаласы мен Қырғызстанның оңтүстігіндегі бірқатар елді-мекендерде төтенше жағдай енгізілді
Төтенше жағдайлар режімі 11 маусымның 02.00 енгізілді. Төтенше жағдай 20-маусымға дейін созылады.
Бішкек. 11-маусым. Kazakhstan Today - Ош қаласы мен Қырғызстанның оңтүстігіндегі бірқатар елді-мекендерде төтенше жағдай енгізілді, деп хабарлайды Kazakhstan Today агенттігі ҚР уақытша үкіметінің баспасөз қызметіне сілтеме жасай отырып.
Баспасөз қызметінің хабарлауынша, төтенше жағдай Ош және Үзген қалаларында, сонымен қатар Ош облысының Қарасу және Араван аудандарында төтенше жағдай режімі енгізіген. Қырғызстанның уақытша үкіеті мұндай шешімді маусымның 10-нан 11-не қараған түні елдің оңтүстігіндегі ахуалға байланысты өткен жедел отырысында қабылдаған.
Төтенше жағдайлар режімі 11 маусымның 02.00 енгізілді. Төтенше жағдай 20-маусымға дейін созылады.
ҚР ІІМ баспасөз қызметінің хабарлауынша, Ош қаласында маусымның 10-нан 11-не қараған түні орын алған тәртіпсіздік кезінде кемінде 4 адам қайтыс болып, 40 адам жара/қат алған. Қоғамдық тәртіпті бұзуға қатысты деген күдікпен 5 адам ұсталған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.