АСТАНА. 18 -шілде. Kazakhstan Today. Орталық сайлау комиссиясы Қазақстанда өтетін кезектен тыс мәжіліс сайлауына халықаралық байқаушылық жасайтын ЕҚЫҰ Демократиялық институттар және адам құқығы жөніндегі бюросының миссиясынан тағы 39 бақылаушыны аккредитациялады, деп хабарлайды Kazakhstan Today тілшісі.
"Қазақстанға шетел мемлекеттерінің және халықаралық ұйымдардың бақылаушылары келуі жалғасып жатыр. Орталық сайлау комиссиясы 17 шілдеде Қазақстан Республикасындағы кезектен тыс мәжіліс сайлауын бақылау жөніндегі ЕҚЫҰ Демократиялық институттар және адам құқығы жөніндегі бюросының миссиясынан тағы 39 бақылаушыны аккредитациялады. Жалпы алғанда бұл миссиядан елімізде 57 байқаушы аккредитацияланды",- деді кеше өткен ОСК отырысында комиссия мүшесі Татьяна Охлопкова.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
ОСК ЕҚЫҰ Демократиялық институттар және адам құқығы жөніндегі бюросының миссиясынан тағы 39 бақылаушыны аккредитациялады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.