Пентагон Қытайды экономикалық тыңшылық жасады деп айыптады
Пентагон үлкен баяндама жасап, онда экономикалық және технологиялық тыңшылық жасағаны үшін Қытайды айыптап отыр, сондай-ақ Азия елдерінің өз әскери қуатын нығайтып жатқандығына алаңдаушылық білдірді.
Астана. 18-мамыр. Kazakhstan Today - Пентагон Қытайды экономикалық тыңшылық жасады деп айыптады, деп хабарлайды Kazakhstan Today агенттігінің тілшісі.
Пентагон үлкен баяндама жасап, онда экономикалық және технологиялық тыңшылық жасағаны үшін Қытайды айыптап отыр, сондай-ақ Азия елдерінің өз әскери қуатын нығайтып жатқандығына алаңдаушылық білдірді.
ВВС Орыс қызметінің мәліметтеріне сәйкес, АҚШ мәліметтеріне сенсек, Қытай былтыр әскери күшін жаңғырту үшін шамамен 180 миллиард доллар жұмсаған, алайда Пекин осы мақсатқа жұмсалған соманы әлдеқайда кішірейтіп жариялапты.
Баяндама авторларының сендіруінше, Қытай соңғы уақыттары экономикалық тыңшылықпен басқаларға қарағанды белсендірек айналысуда.
"Қытайдың АҚШ-тың экономикалық және ақпараттық технологиясын жылдам игеріп алуға асығуы елдің экономикалық қауіпсіздігіне төніп тұрған қатерді одан бетер ұлғайта түсуде", - делінген баяндамада.
Сонымен қатар, Пентагон атап көрсеткендей, Қытай азаматтық технологияны әскери жаңғырту саласында пайдалану қажеттігін ашық түрде мойындап отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.