МИСКЕУ. 11-наурыз. Kazakhstan Today. Ресей Қазақстанмен арадағы Каспий теңізінің солтүстік бөлігінің табанын бөлісу туралы келісімді бекітті.
Бұл туралы Kazakhstan Today агенттігіне Ресей президентінің баспасөз қызметінен хабарлады.
Федералдық заңның толық атауы - "Ресей Федерациясы мен Қазақстан Республикасы арасындағы жер қойнауын пайдалануға егеменді құқықтық жүзеге асыру үшін Каспий теңізінің солтүстік бөлігінің табанын бөлісу туралы 1998-жылғы 6-шілдедегі келісімге қосымша хаттамаға өзгерістер енгізу туралы хаттаманы бекіту туралы" деп аталады.
Федералдық заңды Мемлекеттік дума 2007-жылдың 7-ақпанында қабылдап, Федералдық жиын 2007-жылдың 21-ақпанында мақұлдаған.
Ресей президентінің баспасөз қызметінің түсініктемесіне сәйкес,"хаттаманың мақсаты "Хвалынское" және "Центральная" кеніштеріндегі геологиялық құрылымды игерудің құқықтық режимін "Құрманғазы" геологиялық құрылымына қатысты қазір бар құқықтық режимге сәйкестендіруге саяды.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Ресей Каспий теңізінің солтүстік бөлігінің табанын бөлісу туралы Қазақстанмен арадағы келісімді бекітті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.