Ресей үкіметі отставкаға кетті
Ресейдің "Новости" ақпараттық агенттігінің хабарлауынша, сәрсенбі күні Ресей президенті Владимир Путинмен кездесуде үкімет басшысы Михаил Фрадков мемлекет басшысына министрлер кабинетін отставкаға жіберу жөнінде өтініш жасады.
"ҚАЗАҚСТАН БҮГІН". 12 қыркүйек. АЛМАТЫ. Ресей Федерациясының үкіметі отставкаға кетті, деп хабарлайды агенттік Ресей БАҚ-тарына сілтеме жасап.
Ресейдің "Новости" ақпараттық агенттігінің хабарлауынша, сәрсенбі күні Ресей президенті Владимир Путинмен кездесуде үкімет басшысы Михаил Фрадков мемлекет басшысына министрлер кабинетін отставкаға жіберу жөнінде өтініш жасады.
Өз өтінішін ол елде жақындап келе жатқан ірі саяси оқиғалармен және Ресей президентіне кадр мәселесінен бастап барлық толғақты мәселелер бойынша шешім шығаруда толық еркіндік беруге деген талпыныспен байланыстырған. Бұған жауап ретінде В. Путин былай деді : "расында да еліміз қазір парламент сайлауының қарсаңында тұр, ол біртіндеп президенттік сайлауға ұласады. Мүмкін сіздің қадамыңыз дұрыс та шығар, біз бәріміз бірлесе отырып, билік пен басқару жүйесін сайлау алдындағы кезеңге сәйкестендіру жайын, елімізді парламент сайлауынан кейінгі және 2008-жылғы наурызда өтетін президент сайлауынан кейінгі кезеңге қалай дайындау қажеттігін ойластыруға тиіспіз".
РФ президенті үкіметтің отставкаға кетуін мақұлдады. Осы орайда ол үкіметті 2004-жылдан бері басқарған М. Фрадковқа жұмыстағы нәтижелері үшін алғыс айтып, одан жаңа премьердің кандидатурасын Мемлекеттік дума мақұлдағанға дейін үкімет басшысы міндетін атқара беруді сұрады.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.