Ресейдің қаржы министрі Алексей Кудрин отставкаға кетті
РФ Президенті Дмитрий Медведев пен Қаржы министрі Алексей Кудриннің арасындағы экономиканы жаңарту жөніндегі комиссия отырысының барысындағы салғыласу соңғысының отставкаға кетуімен аяқталды.
Астана. 27-қыркүйек. Kazakhstan Today - Ресейдің қаржы министрі Алексей Кудрин отставкаға кетті, деп хабарлайды Kazakhstan Today.
ҚазАқпарат агенттігінің хабарлауынша, РФ Президенті Дмитрий Медведев пен Қаржы министрі Алексей Кудриннің арасындағы экономиканы жаңарту жөніндегі комиссия отырысының барысындағы салғыласу соңғысының отставкаға кетуімен аяқталды.
Қаржы министрінің жұмысынан кететіні туралы ақпарат 19.45-те кеште пайда болды. "Президент Вице-премьер-Қаржы министрі Алексей Кудриннің отставкасы туралы жарлыққа қол қойды. Министрдің өзі мұндай өтініш берген жоқ. Президент Премьер-министрдің ұсынысы бойынша қолданыстағы рәсімге сәйкес осындай шешім шығарды" - деді бұқаралық ақпарат құралдарына Президенттің баспасөз хатшысы Наталья Тимакова.
Жағдай А.Кудриннің Вашингтонда болашақта Д.Медведев басқаратын үкіметте жұмыс жасамайтынын айтқан мәлімдемесінен кейін шиеленісті. Оның айтуынша, экономикалық саясат бойынша олардың арасында алауыздық туындаған.
Экономиканы жаңарту жөніндегі комиссия отырысы барысында Д.Медведев А.Кудринге сол күні отсатвкаға кетуге ұсыныс жасаған, егер ол мемлекет басшысымен келіспесе, бұған дейінгі айтқан мәлімдемесінен бас тартуын және түсініктеме беруін талап еткен. А.Кудрин шешім қабылдау үшін Премьер-министр В.Путинмен кеңесетінін айтқан.
А.Кудрин Қаржы министрі қызметінде 11 жыл 4 ай жұмыс істеді. Ол экономика мәселелеріндегі білікті маман және елдің қаржы нарығындағы елеулі тұлға болып саналады. Ол консервативтік бюджет саясатын ұстанады және мемлекеттік шығындарды үнемдеуді жақтайды. Сонымен бірге ол В.Путиннің жақын досы және серігі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.