АСТАНА. 21-наурыз. Kazakhstan Today. Бүгін үкімет үйінде ҚР премьер-министрі Кәрім Мәсімов Словакия Республикасының сыртқы істер министрі Ян Кубишті қабылдады, деп хабарлайды Kazakhstan Today агенттігі үкіметтің баспасөз қызметіне сілтеме жасап.
Кездесу барысында әңгімелесушілер әр түрлі ынтымақтастық саласындағы екі жақты қарым-қатынастарды одан әрі дамыту перспективаларын талқылады.
"Қазақстанға менің сапарымның мақсаты осы заманғы словакиялық дипломатияның негізгі міндеттерін - сыртқы саясаттағы экономикалауды тек қана мемлекеттік органдар деңгейінде емес, сондай-ақ парламенттік дипломатияны дамыту, Словакия мен Қазақстанның кейбір өңірлерінің ынтымақтастығы үшін жағдай туғызу болып табылады", - деді Я. Кубиш.
Үкімет басшысы К. Мәсімовтың айтуынша, Қазақстан Словакия экономикасына инвестиция салуға қызығушылық танытып отыр.
"Сіздің сапарыңыз,- деді үкімет басшысы Я. Кубишпен әңгімесінде, - сөз жоқ, қазақстандық-словакиялық екі жақты қатынастарды дамытуға тың серпін береді.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Республика үкімет басшысы мен Словакия сыртқы істер министрі екі жақты қарым-қатынастарды одан әрі дамыту перспективаларын талқылады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.