АЛМАТЫ. 16-тамыз. Kazakhstan Today. РФ президенті Владимир Путин ЕурАЗЭҚ жетекшілеріне интеграциялық процестерді, соның ішінде Біртұтас экономикалық кеңістік пен Дүниежүзілік сауда ұйымына мүшелікке өту жоспарларын талқылауды ұсынды, деп хабарлайды Kazakhstan Today тілшісі ИТАР-ТАСС агенттігіне сілтеме жасап.
Сочи қаласында ЕурАзЭҚ жетекшілерінің бейресми кездесуін ашқан Ресей президенті : "ЕурАзЭҚ аясындағы интеграцияны Кедендік одақ құруға дейін тереңдету ниетіміз Дүниежүзілік сауда ұйымына мүшелікке өту қарқынымен және әрбір елге қатысты осы құбылыстың сапасымен нақты әрі ашық сабақтасуға тиіс",- деп атап өтті.
Ол сондай-ақ ЕурАзЭҚ-тың Ұжымдық қауіпсіздік шарты ұйымымен ықпалдастығын тереңдету мәселесіне назар аударуды ұсынды.
Бұдан кейін отырыс жабық жағдайда жалғасты.
РФ президенті ЕурАЗЭҚ жетекшілеріне интеграциялық процестерді талқылауды ұсынды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.