АЛМАТЫ. 30 қараша. Kazakhstan Today. Ресейдің сыртқы істер министрлігі Шанхай Ынтымақтастық ұйымының энергетикалық клубының жобасын жасауға кірісті.
Бұл туралы бүгін Kazakhstan Today агенттігінің тілшісіне "ШЫҰ: нәтижелер мен жоспарлар" халықаралық конференциясы аясында өткен сұхбатта РФ сыртқы істер министрлігінің қарамағындағы Мәскеу мемлекеттік халықаралық қатынастар институтының Шығыс Азия мен ШЫҰ -ын зерттеу орталығының директоры Александр Лукин мәлімдеді.
"Клубтың нақты қандай болатыны туралы әлі айта алмаймыз. Ресейдің сыртқы істер министрлігі бұл ұйымды құруға дайындық үстінде",-деп түсініктеме берді А.Лукин.
Ал ҚР СІМ вице-министрі Қайрат Ибдірахмановтың айтуынша, "ШЫҰ энергетикалық клубын құру маңызды ұсыныс болғандықтан, бұл мәселе талқыға түсіп жатыр, әрі оның жүзеге асуын жоққа шығармаймыз",-деді.
"Бүгінгі таңда энергетика саласына байланысты келіссөздер көптеген мемлекеттердің, соның қатарында ШЫҰ мүше елдердің сыртқы саясатындағы басым бағыттардың қатарында. Оның пікірінше, алдымен энергетика нарығындағы ірі көлемдегі ынтымақтастықты дамыту жолында энергетикалық дипломатия оң бағытта болуы тиіс. Бұл миниралдық ресурстар мен электр қуатына да тән болмақ.
"Менің ойымша, халықаралық немесе аймақтық деңгейдегі ынтымақтастыққа ықпал ете алатындай қорлары бар мемлекеттер бұл мүмкіндігін кері пайдаланбауы тиіс",-деп атап өтті вице-министр. Осыған байланысты Қ.Ибдірахманов энергетикалық клубтың басты мақсаты "энергетикалық ынтымақтастықтың басты бағыттарын анықтау" деп баса айтты.
Сонымен қатар, СІМ орынбасарының пікірінше, "бұл ынтымақтастық энергетикалық интеграция мен экономикалық ынтымақтастыққа ықпал ете отырып, әлемдік шаруашылық байланыстарды кең көлемді дамытуға кедергі келтірмеуге тиіс".
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
РФ Сыртқы істер министрлігі ШЫҰ энергетикалық клубын құру жобасына кірісті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.