"Самұрық-Қазына" мен "Multistrada" компаниясы Қазақстан аумағында шиналар өндіру туралы келісімшартқа қол қойды
Аталмыш келісім 12 сәуірдеМемлекет басшысы Н. Назарбаевтың Индонезияға сапары шеңберінде екі ел іскер топтарының кездесуінде жасалды.
Астана. 16-сәуір. Kazakhstan Today - "Самұрық-Қазына" мен "Multistrada" компаниясы Қазақстан аумағында шиналар өндірісі мен оларды шығаруды жолға қою туралы келісімшартқа қол қойды, деп хабарлайды Kazakhstan Today агенттігінің тілшісі.
ҚазАқпарат агенттігінің хабарлауынша, аталмыш келісім 12 сәуірдеМемлекет басшысы Н. Назарбаевтың Индонезияға сапары шеңберінде екі ел іскер топтарының кездесуінде жасалды.
Бұл туралы бүгін "Самұрық-Қазына" ҰИҚ" АҚ-ның баспасөз қызметі мәлім етті.
Қазақстан тарапынан "Самұрық-Қазына" АҚ Басқармасы төрағасының орынбасары Қ. Бишімбаев болған іс-шараға 20 астам қазақстандық және 30 астам индонезиялық мемлекеттік органның, компания мен кәсіпорынның өкілдері қатысты. Кездесу барысында іскерлік ынтымақтастықтың мүмкіндіктері мен перспективалары таныстырылды.
Бизнес-форумның соңында тараптар "В2В" форматында кездесулер өткізді.
Сонымен бірге, сапар шеңберінде өткізілген Индонезияның жетекші кәсіпорындары көрмесінің қорытындылары бойынша қазақстандық іскер топтар екі коммерциялық құжатқа қол қойды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.