АСТАНА. 11-шілде. Kazakhstan Today. Сауд Арабиясының «Saudi Arabian Airlines» әуе компаниясы екі ел арасында тікелей әуе байланысын орнатпақшы. Бұл туралы Сауд Арабиясының мұрагер бекзадасы, премьер-министрдің орынбасары, қорғаныс және авиация министрі Сұлтан бен Идбел Изиз дипломатиялық қызметі мерзімінің аяқталуына байланысты Қазақстан елшісі Асқар Мусиновты Жидда қаласында қабылдау барысында мәлімдеді, деп хабарлайды Kazakhstan Today тілшісі ҚР СІМ-нің баспасөз қызметіне сілтеме жасап.
Иңгіме барысында А.Мусинов Исламның қасиетті қос мешіті жеріндегі жұмысы барысында Қазақстан елшісіне көрсеткен қолдауы үшін Сауд Арабиясының басшылығына алғысын жеткізді.
Қазақстан дипломаты сондай-ақ, Қасиетті Қос Мешіттің Қамқоры Король Абдалла бен Ибдел Изиз бен Мұрагер бекзада Сұлтан бен Ибдел Изизге Қазақстанның Мемлекет басшысы Нұрсұлтан Назарбаевтың ізгі тілегін жеткізіп, Корольдік халқына тыныштық пен гүлдену тіледі.
А.Мусинов Азиядағы өзара іс-қимыл және сенім шаралары кеңесін шақыру жөніндегі Қазақстан президентінің бастамашылығына көрсеткен қолдауы үшін де Корольдік басшылығына ризашылық білдірді.
Кездесуде Қазақстан дипломаты сондай-ақ, алдағы қыркүйек айында Астанада өтетін Илем және дәстүрлі діндер басшыларының ІІ съезіне дайындық барысы туралы әңгімелеп берді.
Қазақстан президентінің 2004-жылғы Сауд Арабиясына сапарының қорытындысы бойынша құрылған екі ел бизнесмендерінің іскерлік кеңесі сауда-экономикалық ынтымақтастық саласындағы маңызды элементке айналғаны айтылды.
Сонымен бірге Қазақстан елшісінің хабарлауынша, 2006-жылдың қараша айында Қазақстанның Сауд Арабиясындағы мәдениет күндерін, ал 2007-жылы Сауд Арабиясының Қазақстандағы мәдениет күндерін өткізу жоспарланған.