ДУШАНБЕ. 15-қыркүйек. Kazakhstan Today. Шанхай ынтымақтастығы ұйымына мүше елдердің үкімет басшылары ұйымның әлеуетін жоғары бағалайды. Бүгін Душанбеде Шанхай ынтымақтастығы ұйымына мүше елдердің үкімет басшылары кеңесінің 5-отырысының қорытындысы бойынша өткізілген брифингте осындай пікір айтылды, деп хабарлайды Kazakhstan Today тілшісі.
"Шанхай ынтымақтастығы ұйымы - белсенді саяси одаққа айналды деп нық сеніммен айтуға болады",- деп мәлімдеді республика үкімет басшысы Даниал Ахметов.
Оның айтуынша, бүгін өткен жиында "экономика мен сауда саласындағы ынтымақтастыққа қатысты көп жақты мәселелер талқыланды". "Шанхай ынтымақтастығы ұйымының шеңберінде отын-энергетикасы мен транспорттық әлеуетті дамыту саласындағы ынтымақтастыққа баса назар аударылатын болады. Кездесулер мен қабылданған құжаттар ұйымның аяғынан тұру жолындағы тағы бір маңызды қадамға айналмақ",- деді еліміздің үкімет басшысы.
Ал Ресей үкімет басшысы Михаил Фрадков :" Шанхай ынтымақтастығы ұйымы интеграция жолында сенімді алға жылжуда. Біздің өзара ынтымақтастығымыздың көкжиегі кеңейе, тәжірибелік мазмұнмен байи түсті. Ұйым - аймақтық және әлемдік саясаттағы маңызды буынға жатады",- деп атап өтті.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Шанхай ынтымақтастығы ұйымына мүше елдердің үкімет басшылары ұйымның әлеуетін жоғары бағалайды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.