Шекаралық өңірлер Кедендік одақтың тиімділігін бірінші болып сезінуге тиіс - мәжіліс депутаты
Шекаралық өңірлер Кедендік одақтың тиімділігін бірінші болып сезінуге тиіс - мәжіліс депутаты
Павлодар. 30 қараша. Kazakhstan Today - Шекаралық өңірлер Кедендік одақтың тиімділігін бірінші болып сезінуге тиіс. Бұл туралы бүгін Павлодарда "Нұр Отан" партиясының облыстық активінің кеңейтілген отырысында сөз сөйлеген Қазақстан парламенті мәжілісінің депутаты, аграрлық мәселелер жөніндегі комитет төрағасы Ромин Мадинов мәлім етті, деп хабарлайды Kazakhstan Today.
"Азаматтар шекарадан өту үшін бірнеше сағат бойы кезекте тұратын жайттар біртіндеп келмеске кетеді", - деді депутат.
Оның айтуынша, "шекаралық өңірлердің тұрғындары Кедендік одақтың тиімділігін бірінші болып сезінеді". "Бұл бірлестік, бұл интеграция барлық үш мемлекеттің де дамуы үшін, бірінші кезекте Қазақстан үшін жаңаша серпін береді", - деді Р. Мадинов.
"Меніңше, Кедендік одақ сіздің облысқа айрықша даму әкеледі, сіздер соның нәтижесінде өздеріңіздің экономикалық көрсеткіштеріңізді барынша ұлғайта аласыздар", - деді депутат.
"Бұл - Кеңестер одағы ыдырағаннан кейінгі осы кеңістікте болған ең елеулі оқиға", - деп санайды депутат.
Еске сала кетейік, Павлодар облысы Ресейдің аса ірі үш өңірімен, атап айтсақ, Омск және Новосибирск облыстарымен, сондай-ақ, Алтай өңірімен шекараласады. Мемлекеттік шекараның жалпы ұзындығы шамамен 800 шақырымға тең.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.