ШЫҰ елдерінің Жоғарғы сот төрағалары келесі жылы Қазақстанда бас қосады
ШЫҰ елдерінің соттары Мәскеуде өтіп жатқан кеңесте сот жүйесіндегі сыбайлас жемқорлыққа қарсы іс-қимыл, тұтынушылардың құқықтарын қорғау мәселелерін, сондай-ақ есірткі қылмыстарымен байланысты істердің қаралу тәжірибесін талқылауда, деп хабарлайды ҚР Президенті жанындағы Орталық коммуникациялар қызметі ҚР Жоғарғы сотының баспасөз қызметіне сілтеме жасап.
Астана. 21-ақпан. Kazakhstan Today - ШЫҰ елдерінің Жоғарғы сот төрағалары келесі жылы Қазақстанда бас қосады, деп хабарлайды Kazakhstan Today агенттігінің тілшісі.
ШЫҰ елдерінің соттары Мәскеуде өтіп жатқан кеңесте сот жүйесіндегі сыбайлас жемқорлыққа қарсы іс-қимыл, тұтынушылардың құқықтарын қорғау мәселелерін, сондай-ақ есірткі қылмыстарымен байланысты істердің қаралу тәжірибесін талқылауда, деп хабарлайды ҚР Президенті жанындағы Орталық коммуникациялар қызметі ҚР Жоғарғы сотының баспасөз қызметіне сілтеме жасап.
Ведомствоның атап өтуінше,. бұл күндері Мәскеуде Шанхай ынтымақтастығы ұйымына мүше елдердің Жоғарғы сот төрағаларының VIII кеңесі өтіп жатыр. Қазақстандық делегацияның жетекшісі, Жоғарғы соттың Азаматтық және әкімшілік істер жөніндегі қадағалау сот алқасының төрағасы Еліс Ибдіқадыров өз сөзінде, есірткі қылмыстарымен байланысты істерді қарау кезіндегі ынтымақтастықты әрі қарай кеңейту және нығайту жөніндегі табанды субөңірлік шаралар қабылдайтын кездің жеткенін атап көрсетті.
"Есірткі қылмыстары проблемасы бір ғана мемлекеттің проблемасы болудан қалғалы қашан. Бұл мәселе бойынша біздің елдеріміздің сот инстанциялары арасында тығыз және кәсіби өзара іс-қимыл өте қажет", - деді Е.Ибдіқадыров өз сөзінде.
"Қазақстанның Ресей, Қырғызстан, Өзбекстан, Тәжікстан және Қытай елдеріне қатысты транзиттік жағдайда екенін ескерсек, нашақорлық пен есірткі бизнесі Ортаазиялық өңірге жайылған трансшекаралық проблемаға айналып отыр", - деді ол.
ҚР Жоғарғы сотының баспасөз қызметінің хабарлауынша, Шанхай ынтымақтастығы ұйымы елдерінің Жоғарғы сот төрағаларының келесі, тоғызыншы кеңесі 2014 жылы Қазақстанда өтпек.
Естеріңізге сала кетейік, ШЫҰ елдері Жоғарғы сот төрағаларының алғашқы кездесуі 2006 жылы Қытайда өткен болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.